Burkina Faso zo ur stad eus kornôg Afrika, e diazad ar stêr Volta. Emañ etre Mali er c’hornôg, Niger er reter, Benin er gevred, ha Togo, Ghana hag Aod an Olifant er c’hreisteiz. Ouagadougou eo ar gêr-benn hag ar gêr vrasañ. Talvezout a ra anv ar vro kement ha "bro an dud onest".
A-gozh eo annezet ar vro, pa gaver roudoù eus mab-den enni ken abred ha 7000 kent J.K. Er XVvet kantved e teuas da vezañ ul lodenn eus an Impalaeriezh Songhai, unan eus galloudoù bras ar rannved-se, daoust da enebiezh ar bobl Mossi a oa o chom eno. E dibenn an XIXvet kantved e tremenas rouantelezh Mossi Ouagadougou dindan beli Bro-C'hall.
E dalc'h Bro-C'hall e voe betek 1960, dindan an anv Volta Uhel, diwar anv ar stêr Volta a dremen dre ar vro. Dizalc'h e teuas Volta Uhel da vezañ e 1960, hag e miz Eost 1984 e voe advadezet Burkina Faso. Goude bloavezhioù diaes eo deuet bremañ da vezañ un demokratelezh.
Muioc'h a zafar war an danvez-mañ a vo kavet e-barzh ar Wikicommons